حبتها ولا محبتهاش
انا عاشق
ونفسي العشق ما يهداش
ونفسي ضلوعي تتكسر في حضن حبيب
وناري تزيد وما يشوفهاش
لقيت وياها احساسي
واجمل منه احساسها
كلامي في عيني يندها ويلمسها
وتتحرك
وتتكلم
وحاسه جروحي جوايا
وعارفه اني قبليها عشت ليالي بتالم
والاقيني باتحسر علي ما فات
دا عشت ليالي ما تتعاش
وقلبي لما بيشوفها بيمسك فيها مايسبهاش
كان قبليها في واحده
وكام واحده
شافت ناري و ما قدتهاش
عشقت الفرقه قبليها ووياها محبتهاش
وكلمه حب قالتها
وكان قبليها كام واحده ومقلتهاش
ونظره شوقها في عيونها ولعيونها مخبتهاش
وماضيها يدق الباب
اقول اصلا محبتهاش
قلبي يقولي لو تكدب عليهم يبقي شئ عادي
عليا .. دا انا قلبك ... وانا يعني محستهاش ؟؟
حبتها ولا محبتهاش
منش عارف
انا عاشق
ونفسي العشق ما يهداش
