ليه اسيب نفسي  للحب وانا

ما شفت في الحب ولا لحظه هنا

لقا.. تعب

وشوق.. تعب

وحنين .. ومن غير سبب

وفراق بقاله يجي مليون سنه

ليه تقولي نسيتك

وزكرياتي ميح

وليه تقولي احبك

ينقلها صوت الريح

عرفت الحب انا قبلك

وعرفت احلي ما فيه

انه مايبقي صريح

بحب لون الفراوله والشفتشي البمبي

 قالتلي عيب اختشي

وازاي بس اختشي والقمر جنبي

ربي لك الحمد

ربي لك الحمد علي ما آلت إليه مصائري

وهديـتـنـي لطريق عـجـزت إليه بصائري

وظننـته في لحـظه لـيس طـريق نـظائري

وجعلت الخير كل الخير فيه

وكشفت عني ضرا مسني

وكأنني يوما لم ألاقيه

ربي أنر لي طريقي الذي جعلته قدري

وهب لي من لدنك ذريه .. واشدد بهم اذري

واجعلهم يارب من الصالحين  .. ولا تجعلهم يحملوا وزري

ربي إنني عبد شريد

وظننت انه ليس لي خيرا

وجعلت أنت الخير كل الخير

أنت لما تريد

ربي صلي علي محمد

عبك الذي اشتقنا إلي لقيآه

ربي كثرت .. كسراتنا وزلاتنا

فاخطوا بنا لخطاه

 ربي اعفوا عنا واغفر لنا

وارحمنا واهدنا لهداه

ربي أنت الذي يوم الحساب

 بصحافنا البيضاء نبتغي لقيآه

يامصر نفسي اسالك

 يا مصر نفسي أسالك

هو انتي صاحيه ولا نايمه

ولا انتي ماشيه بزمبلك

هو انتي فرعون ولا موسي

قارون حبيبك ولا عيسي

ولا انتي ثوره علي الملك

ولا انتي واحد .. يمتلك

هو انتي طه زويل نجيب 

ولا انتي جيل خلوه يخيب

هو انتي غرقانه في مجاري

ولا انتي غرقانه في زبيب

عاجبك كده حالك 

عاجبك كده التهليب

واللي  يحاول يشم نفسه

تديله بالقباقيب

يا مصر ردي أنا بأسالك

هو انتي صاحيه ولا نايمه

ولا احنا نمنا من زمان

ونسينا نملي الزمبلك

حبيب مغلوب

انا اصلا .. حبيب غايب .. حبيب دايب .. حبيب مجروح

حبيب يتمني لو عديت ولو المح هناك نظره

وانا برده حبيب يتمني لو نظره

وانا برده حبيب فارق خلاص الروح

انا الحبيب المحترم
وانا الحبيب اللي انحرم
وانا الحبيب اللي انـ .... فرم
وانا الحب اللي مش مسموح

مشواري انا في الحب

مقسوم 3 خطوات  والرابعه متقدره

والرابعه دي الاولي

والاولي حنيه .. والتانيه جنيه

والتالته دي قاسيه جاهزه ومتحضره

والرابعه دي الاولي

بالنسبه للاولي

حبيتها من اولي اعدادي للثانوي

الحسن .. ملامحها

والطيبه من ريحها لازم هتلمحها

قاعد انا فريحها

ومكسوف اصرحلها

فكتبت اغنيه

لكن موصلتهاش

انا اصلا موديتهاش

ومدام محبتنيش

فانا برده محبيتهاش

قالولي دي مراهقه

مراهقه .. لعب عيال ..

حبيتها محبتنيش واهو الوضوع انتهي

ودخلنا كليه

وقابلت جنيه

صوتها له رنه.. ما اسمعتهاش قبلها

وحتي ملامحها ولا واحده تشبهلها

ولا حتي في الافلام .. اجنبي وعربي

وسالت انا صاحبي

عايز انا اوصلها ..؟!

-         قالي ياعم هيثم –

حتروح وهاتقولها.. لوبس نتعرف

هترد هيه بكذا..

هترد وتقول كذا..

والكلام هيجيب كلام وخلاص ..

-         ناصح قوي صاحبي –

رحت وقفتها قولتلها

انا نفسي اتعرف..

قلتلي اشمعني ..؟

!!!!!!

صاحبي ماقليش هاتقولي اشمعني!!

فوقفت انا ساكت

 ولا في كلام جاب كلام وخلاص

واقف انا بلاص..

كتمت انا حبي  .. طلع كلامي شعر

رجعت وضربت صاحبي عشان يبطل فشر

خلصت كليتي وطلعت انا لحياه

قاسيه وماديه

وقابلت انا واحده من نهل الحياه

كانت برده مسقيه

وياما في الجراب يا حاوي  من الاعيب

الوش وش الحمل والطبع طبع الديب

ما كانتش  من الجميلات ولا حسنها ايه

والطبع زي الزفت .. وانا قلت بكفايه

بهدلتها كفايه ..

غِلط فيها صحيح ..

لكن كلام مجروح ..

راح يكون ... تجريح

حبت .. ماحبتشي ..

غلطت .. ماغلطتشي ..

ماهي برده دي كلمه

يعني .. مالزقتشي

وقفلت انا قلبي بالضبه والمفتاح

وعاهدني ابطل حب

علشان يعيش مرتاح

وقابلت انا الرابعه

والرابعه دي الاولي

وحكايتي وياها مش حاجه معقوله
حبتني حبتها

حبيت انا حبك .. حبيت الهوا فيكي

وخنت انا قلبي .. وصبحت شاريكي

نداني صوت همسك .. ونظره في عنيكي

يا نجمه فوق في السما .. دايب انا فيكي

خايف اقربلك .. لاجرحي يطفيكي

وظروفي تمنعني

لودوقتي يوم حبي .. ما اقدرش اداويكي

شوفي حبيب غيري .. ربي يخليكي

ارجوكي سامحيني وما تزعليش مني

منا لو محبتكيش .. ايه اللي يمنعني

اني .. اعيب فيكي

خليكي رسمالي صوره المحبوب 
اللي انكوي بالحب ... وداسوا فيا قلوب
جوني ووقتي ضحي .. وسابوني ووقتي غروب
وسابو فيا شقوق
نورك بدا فيا وبانلي بكره شروق
انا حبي لساه طفل 
من يومه وهوه طفل 
دا لانه عاش مخنوق

خليكي رسمالي صوره المحبوب

اللي ارتوي بالحب .. ودابوا فيا قلوب

هفضل انا احبك

مع ان انا عارف .. الحب من غير امل

دي كلمه المغلوب

واحده بس

معدش ليه في الدنيا ديه غير واحده بس

حاسه بعنيا وبشوقها ليا انا قلبي حس

ما شوفتش انا في الدنيا ديه واحده تانيه زيها

ولا ف جمالها ولا ف دلالها ولاحتي رقه قلبها

اجمل بنات الدنيا ديه علشان عنيا بتبسم

واما ابتسم علشانها هيه الاقيها هيه بتترسم

عماله تتقل .. والتقل ده مايبقاش معايا

لو يوم هحس ان انتي بايعه ..هاكون ساعتها بايع هوايا

اجمل بنات الدنيا ديه علشان رضايا بتبسم

واما ابتسم علشانها هيه الاقيها لسه بتترسم

سالت قلبي

سالت قلبي خيطت الجرح الجديد

قلبي قالي الخيط اللي فيا

من كتر الجروح نسل

وارحم نفسك شويه

دا انت اللي صعبان عليا حنين ومتبهدل

تعرف لو كنت قاسي مكنش جرحك يوم

حتي لو في يوم جرحك مكنش همك يوم

او كنت سبته قبل ما يسيبك

وخلاص يا واد سيبك

بكره هيجي اليوم اللي تلاقي فيه حبيبك

بس اصبر عليا شويه لحد اما جرحي يلم

دا انا قلبك وعمري ما يوم اسيبك

مرت سنين وسألته

جرحك خلاص اتلم ؟

قالي دا جرح ايه ده

ده طلعلي فيه دمل

واحساسك خلاص انساه

باين عليه نمل

قلتله عشان خاطري معلش واستحمل

قالي خلاص انساني وعيشها من غيري

تعرف كده تكمل ..؟

قلتله عادي هحب انا عادي

وان شاالله اتبهدل

ما انا اصلا ماعنديش قلب

فهعيشها مستهبل