قالولي ياما راح يعدي عليك
ولسه ياما بعدك هاشوف
بس اللي جالي بعدك
كان واخد كلمه منك
هيه كلمه ظروف
حبيت انا بعدك
واحد ويشبهلك
مش في الشكل لكنه
في الطبع كان طبعك
منظر ومن بره يجروا عليه الناس
لكنه من جوه خالي من الاحساس
واسب والعن ليه
وليه اشتال ذنوب
برده محدش فينا
خالي من العيوب
بس انا لما احب
احب ادي مسألش بدي لمين
ولما بحسبها
1+1 مابيطلعوش اتنين
بس اللي حبيته كان في الحساب شاطر
ولما يحسبها
1+1 دايما بيبقوا اتنين
ولما كان في طريقي
كان فاتح كمان طريقين
ولما طريقي اتسد
كان ماشي في طريق تاني
مسألش كان مع مين
حبيت انا بعدك
حته حجر منك
يا كتله من الحجاره
سبتولي كام ذكري بس يا خساره
القلب مات علي اديكم واعلن انتحاره
حتي اللي جت بعدكم
حتي اللي جت بعدكم!!
اشكلها وتطبطب
تفرح عشان فرحتي
تعبانه لو اتعب
مقدرتش احس بيها
داست جروحي عليها
مش ذنبي...
ولا ذنبها....
دا ذنب ناس قبلها
مات قلبي في اديهم ... ماتت علي ايدي
يا طب شوف لوعتي ... وصلها بوريدي
- حسيت بمين ما خلاص
مابقتش ويا الناس
جرحك فيها انتقام
من جرح ناس قبلها –
مش ذنبي ولاذنبها
ولاذنب ناس قبلها
دا ذنب واحده من زمان
من زمان خنتها
ليست هناك تعليقات:
إرسال تعليق