بسرق م الشقا زادي
ما اعرفش طعم الوطن
غريب في قلب بلادي
بصرخ
وغصب عني صوتي علي
يلعن ابو ........اسيادي
قالولي قول عادي
كل الكلام ده غلط
والعز عم البلاد
وانت اللي شئ سادي
رديت ..
انا اللي سادي بقوته وجبروته..!؟
مين اللي علي ايد
خالد سعيد موته
مين اللي ساب المصري
في غربته يت..خان
بلد الامانه والامان ..!!
كله كلام في الهوا وكل دا بتنجان
دا اللقمه ساعه الغلا بتعز ع الغلبان
قام واحد يقولي
اصل البلد دي شروق
اصلي بحب بشوق
عاشق شقاها
عاشق رجالها
عاشق نساها
بفرح لو ابني يتولد
واخاف لا حلمه يتوءد
عاشق شمس البلدي
رديت .. مع اني من يوم ولادتي
لسه ما لمحتهاش
قالي .. دا غروبها بيطول
لاجل شروقها ما يطول
ويوميها هانقولها
قولناها م الاول
اصل البلدي شروق
ليست هناك تعليقات:
إرسال تعليق