وهاحكي النهارده حكاية شوفتها بعيني
لاتنين حبوا بعض والحب يا عيني
غلب قلوب وياه طلعلي أنا عيني
اتنين قرايب صغيرين عادي
و بليعبوا ولعبهم عادي
قلوبهم لسه صغيره
وكل شئ عادي
و ف يوم من الأيام
حس الولد بشئ ماهوش عادي
ف عنيها ليه كلام ومش عادي
حسه وسكت مقالش لحد
لحد ما اتاكد وواجب عليه الرد
دقت قلوب لأول مره بتدق
حسوا بفرحه دا الحب بابهم دق
طلع منه كلام ليها
وكلامه أصبح ارق
ردت هيه بشوق وتنهيده
حسيت بحبي ليك مقالش قلبي لأ
صوتها واحساسها خلي دموعه تبان
قال وعينه ف عنيها
دا انا كان ف قلبي شق
من بعد حبك أصبح كأنه ما كان
حسيت بطعم الحياه
وبقيت خلاص انسان
ردت عليه بسكوت
جواها اهه وصوت
جواها خوف م اللي جاي
حس الكلام فيها
بدمعه في عنيها
برعشه في ايديها
قام ضمها لحضنه واديها ماسكه اديه
عيشي معايا الحلم يمكن في يوم نبنيه
وتن كان نصيبنا البعد
يبقي قضاء ربنا ومانقولش كلمه ليه
**وهوه دا اللي حصل لحد دلوقتي
ولما هاعرف كمان هاجي وأقول وأحكي ***
ليست هناك تعليقات:
إرسال تعليق