كلمه اعتذار
كلمه اعتذار .. دي ترضي مين مكاني
وكمان هتدمعي .. دي دموع ملهاش معاني
ودموعك زي حبك .. مش ليا لحد تاني
لو كان اعتذارك عشان عشمتيني بحبك "يوم"
خلاص ما تعتذريش .. بس اعتذري له هوه
وامسحي من حياتك كلمه "ما بتخونيش"
هتقولي إيه ما تكمليش
مفيش كلام ينفع كده
ف وقت صعب زي ده
ولو في كلام يتقال ياريت تكوني ما بتكدبيش
م أنا م البداية سألتك .. حبيتي قبلي ؟
قولتي لأه ما حبتيش
ودي أول مره حاسه فيها إني بعيش
خلتيني أشوف الحبيبة
اللي نفسي فيها من سنين
لكن طلعتي ما بتخلصيش
.. وما تزعليش
حبي اللي كان أصبح ما فيش
أصبح جحيم جوايا ليكي
نار بتحرق كل كلمه مني ليكي أنا قولتها
كل لحظه فكرت فيكي .. وكل لحظه أنا عشتها
كل فكره عن حياتي بين إيديكي
..كل مشاعري قتلتها
وما تخافيش .. ما قتلتينيش
حياتي ما بتوقفش عشان في حد ما حسنيش
أنا راح أعيش
وخلاص سلام
مع السلامة ستين.. سلامه
ما يهمنيش
ليست هناك تعليقات:
إرسال تعليق