الفيل الازرق .. من وحي الرواية

- قبل ان تنحصر الحياه في منطقة ضيقه بين البنفسجي والازرق ,ثم غزا العشب الاخضر ارض الغرفة تدريجيا

- ... تلك الغرفة!! تلك الغرفة اعرفها جيدا انها لا تنتمي لهذا البيت , تنتمي لشقة شريف بالمعادي .. غرفته بالدور الثلاثين

الي متي

الي متي
 همسي
اللي جابلي صداع


ومين اللي باع غصب عنه
ومين اللي كان بياع

اغوص في نفسي
وأنبش في رمال القاع

آآهات ترسبت
وتوطنت بداخلي اوجاع

ما بين ماضٍ قد رحل

وبين اخر قد وُّحِل
وبين اجمل فاتناتي صراع

والي متي
اعيش بين اصواتٍ ... صدى
وبين "شئٌ " قد مضي

وبين وجه لا اتذكره الا عندما
اري المرآه
او عندما يهب النسيم فانتشي

او عندما اري وجه أطفال
في ابتسامتهم اري ...شكل الحياه

الفيل الازرق

من وحي رواية الفيل الازرق للكاتب احمد مراد

يأبي النسيان

حبا أول يأبي النسيان
رغم عراقيل البعد
زمانا ومكان
احببتها في الخفاء وفي العلن
خيالا وعيان

لم ارها منذ ما يقرب عقدا من الزمن
لكن لازلت احبها الي الان

اتذكرها
اتذكر اغنية تتحدث عنها

اتذكر ....
قارئة الفنجان

حاجات

في حاجات ما ابتدش لما ابتدت

وحاجات ما انتهتش لما انتهت

وحاجات تروح وهي لسه ف مكانها

وحاجات مجتش عشان ماهواش اونها

واللي افتكرني نسيت

انا لسه اهوه فاكره

واللي ناسيني ياريت

يفتكر شكله

لما قابلت عينية

وانشغلت انا بيه

وشغلت انا عقله

نويت له والله الخير

والغدر والله يا ناس مابنش من شكله

يبقي لا يوم حبني

ولا يوم انا كرهته

دا اللي يحب يا ناس

لايغدر في يوم بحبيب

ولا يكره في يوم ... صورته

ما تحبينيش انا قلبي مات

والحب في الميت

بيصحي فيه الذكريات

اذا كان جرح ولا انجرح

فأي حب جديد صدي لكل اللي فات

واذا بعدي صحي فيكي يوم  وجع

فقربك خلي قلبي يتدبح بالزكريات

ما تحبينيش انا قلبي مات

الفين سؤال

                    - اتقابلنا والكلام كان بينا عادي
                    - بس العيون
                    - قالت كلام يوجع
                    - هي اللي بدات بالسؤال
                    - الفين سؤال

هي :

في عنيا ليك الفين سؤال

ليه سكت ؟

ليه وافقت ولية بدات ؟

وليه زعلت ؟

وليه مشيت .... ولية رجعت ؟

وليييه نهيت

وسؤال كمان ...خلاص نسيت

م البداية حبي كان باين عليا

وما التفتش

بس انت شوفته 

وقولتلي ان انت شوفته

لية سكت ؟

كَلمتك 

كِلمتي كانت باينه عادي

وكِلمتك كانت طالعه عادي

وفي عنيا نظرة الشوق اللي تدبح .. حس بيا

خدت رقمي وخدت رقمك

ليه وافقت؟

كَلمتني

وسمعت صوتك

وكتمت صوت فرحي ف ضلوعي لاتسمعه

بس صوتك بان علية

قولتهالي 

وقولتهالك

كلمة الحب اللي ياما حلمت اني اسمعها منك

قولتهالى

وقولتهالك

ليه بدات ؟

وعرفت عني كل حاجه 

واما بحكي في اللي فاتني قبل منك

ألاقيك سكتّ

حاسة صمتك 

حتي صمتك يومها قالي انك زعلت

مكانتش غيره

قولي طيب لية زعلت ؟

واتواعدنا واتعاهدنا

وبنيت كل احلامك معايا

وعشقتني

وعشتني

وفرحت بيا

مش ده كلامك

يا دنيتي وفرحتي

واجمل ما فيا

والاقيك مشيت

"يا فرحتي"

من غير سبب تمشي عشانه 

الاقيك رجعت بدون سبب

لية مشي ولية رجعت ؟

المهم انك رجعت

انسي اللي فات خلاص انا نسيتة

والمهم انك واحشني

وحشتني منك كلمة وحشتيني وبحبِك

وحشني سؤالك عن لبسي ومكياجي

"خرجتي النهارده.. روحتي فين"

علي فكره ما خرجتش

ما لقيتش حد استاذنة في بعدك

ما انت عارف ...

قولها يلا 

قولي كلمه من كلامك

قولي حتي شعر م اللي كتبته فيا

ليه طال سكاتك

بتحبني..؟

جاني ردك شئ غريب

ما قدرش عقلي يفهمه

ولا حتي قلبي استوعبه

"اعزوريني حبي قل"

ليه نهيت ؟

انا:

اسمعيني

صحيح انا الظالم وانا القاسي

وسبتك -- خنت احساسي

وانا اللي ياما اتحاكيت

بحبي -- لأ واخلاصي

بس اعمل ايه

شوفيلي حل

دا جرحي اني باجرحك

وحلمنا وانا بسحبه

حسيت كاني باقتلك

وقلبي اللي كان بيرسمك

دلوقتي هوه

هوه نفسه بيقسمك

بس اعمل ايه

شوفيلي حل

لما لقيت ماضيكي هل

ولاقيت كلام غير الكلام

ولاقيت الام غير الالام

وفي حاجات وذكريات ما كانوش تمام

شوفيلي حل

ماكنش جرحك عندي سهل

ولا كان بايدي غير اني اسيبك

واني  اقولك

اعزوريني حبي قل

بس اسمعيني

يا اللي مجروحه ف كيانك

انا القلب اللي علاكي وبناكي

وبقيتي ويايا

وعرفتي ويايا

ايه معني الحبيب

وبقيتي نجمة ف السما بتزيد .. لهيب

وحرقتي نفسك وانتي بتداري الحقيقة 

وحاولتي عنها تبعدي

بمليووووووون طريقة

وانتي عارفه ايه حقيقتك

فما تكدبيش ع الناس 

وترسمي في العين برائتك

الناس دي عارفاكي

انا اللي معرفكيش 

مثلتي عليا حياكي

وطلعتي في الاخر ... مفيش

وجاية تحكي في إيه

جاية تحكي في إيه

وبعد فراقنا بيومين 

شوفتي خلاص غيري

ومشيتي معاه  ف حيى

خليه ينسيكي ظلمى

ده لو هيعرف يعشقك .. زيى

drawing by photoshop

ارجوك انتظر

تبعثرني الخطي
ويهم قلبي بالرحيل
ارجوك انتظر..

لا تمل طول المسير
ارجوك انتظر..

لا ترحل الشمس وقت المغيب
بل تنتظر

ليلي كما ليل الشتاء
طويل
ولابد للنور ان ينفجر
ارجوك انتظر..

تبعثرني الخطي
وتطردني الدروب

ويهم قلبي بالرحيل
مشيرا للندوب

آذته افكاري
واشعاري
وآفة حبي
وماض لايزال

عيون احرقتني
ولاتزال

اشعلت نظراتها قلب
في الطفولة
..كان ينوي الرحيل
بدد كل ما يملك
ومالايمتلك
كي يثبت اقداما
ولكي يثبتها
جعلها تحترق

و الان تريد ان ترحل
اتركني انت ايضا
وانطلق

بالحظ وبالصدف

مراتي حبيبتي

غيريتها لو تمثلها
ازيد فيها
الاقي الشك يقتلها
اخدها في حضني واشغلها
بحب جديد

واقول حاسس باني سعيد
وايدك دايبه في ايدي
بحس بفرحه الصايم
بليله العيد

واشوف الفرحه في عنيكي
ادوب فيكي
والاقي قلبي في اديكي
بيتلون بلون دافي
كانه جديد

ولو حتي البعاد والهجر يوم طول
او حتي في يوم تقسي
عشان يعني بزيد فيها!
اقول كلمه بحبك بس
الاقيكي خلاص تنسي

بشوفك طيبه بتطبطب
علي جرحي فيهدي الجرح
واشوفك قوه في صدري
تقويني
تريحني
فيجي الفرح

بحبك ولو شكلك بيتغير
بحبك من وانا صغير
ولما كبرت
بلاقيها كل يوم تحلي وتتدور


حبيبتي
اناديلها .. تناديني
اشكيلها .. تواسيني
احنيلها .. تلاقيني

ولما اشتاق للمس ايديها ولنظره 
الاقي عينيها تحضني تخبيني
كانت من نظره تفهمني
وكانت نسمه جوايا
لما اغضب تهديني

حبيبتي
حبيبتي بس في الاحلام 
اناجيها تطمني
براحه البال ورزق حلال مع الفرحه 
هيجي اليوم والبسها انا الطرحه

كان المزاج رايق ... رايق... رايق

مرسي مطروح -شط الغرام

ويقولو يكرهني

اول لقانا سلام 

اخر كلامنا سلام

ويقولو يكرهني

بيقولو عليا كلام

ويكرهوك فيا 

وانت حلفت يمين 

انك ما تكرهشي

الحب انتهي لكن 

كان بينا عشره في يوم

والعشره ماتهونشي

كان لينا ايام...

.. صحيح كانت

لا غلط فيه انا يوم

ولايوم عنيه خانت

ويقولو يكرهني

يكرهني بس ازاي

اول لقانا سلام 

لحظه فراقنا

كان اخر كلامنا سلام

حلو الكلام لو دام 

اهو هو ده الباقي

والطيبه فيا اساس

واهي ديه اخلاقي

ويقولو يكرهني

انا زي شمس النهار

ساعه الغروب مامتتش

يطلع مكاني 

قمر وجنبه مليون نجم

ولما شمسي تبان

اهو كل ده مايبانش

وحبيبي زي تمام

بس النصيب غلاب

لما يقول كلمته 

نسكت .... مانتكلمش

سبحان الله ....

 سبحان الله ........

 حتي لو الكهربه رايحه .. هنفضل نبدع

 4 شجرات ..! مش عارف اقول ايه الصراحه

 رمسيس - الزقازيق

 شمس الثوره ماعدش يهمها

شمعه صغيره بس برضه بتنور

 اممممممممممم

 و يامركبي ... شد القلوع ... مفيش رجوع

يلا .... سلام

فكره تايهه يا ولاد الحلال

                                - تخاريف ما قبل النعاس-
                         
                                 فكره تايهه يا ولاد الحلال

ومازال الحلم معلق في سقف الغرفه 
لكن لون الحلم اتغير اصبح باهت 
يمكن عايشه ويمكن ماتت
لكن نبض الفكره في عقلي
ممكن حد يصدق ان ..
حتي الفكره تكون اتخانت
ممكن حتي الفكره تخون ..!!
تبعد عني وتهجر عقلي
وابطل افكر بجنون ..؟

            -وظهر صوت العقل الراسي

             طبعا بعدت

             هجرت

             خانت

            طبعا يا ابني مادامت انثي في هذا الكون

اركن حبه ياعم العاقل 
وكفايه اكون وحدي المجنون 

فكره في عقلي +  خرمين جنب الراس

ما يمكن وقعت كده وانا نايم
قمت ادور
قاعد انادي

فكره . .. يا فكره آآآآآآآآآآ

سالت اخواتي 
حدش لقي فكره النحيادي
ولا الناحيه التانيه داهيه 
في اوضه النوم 
                      -رد اخوي الزبله 
                      شفتها نطت من الشباك
                      بتدور علي فكره ازاي
                     شكلها كده بقي بايته معاك
                     اصحابك ما تعدش معاهم 
                     ولاتخرج للساعه اتنين
                     كده تاني وياهم


                    شارب بانجو ولا حشيش
                    رد عليا وماتخبيش
                   ولا حبوب كده من اياهم


اسكت ياله 
مش وقت لماضه 

فكره وتاهت مني  يا عالم
حد لقاها ..؟

فكره 
وتاهت
هربت
ولا اتسرقت
حد لقاها

سألتيني

 سألتيني

ليه قلت لك إنسي
وفارقيني
وانا نفسي
وانا عايزك تحبيني ؟

اخرها فراق ....
وهيطول الطريق
ويضيق
واسيب ايدك

والاقيكي ساعتها
خلاص .. كرهتيني

فساعديني 

اسيبك قبل ما ابيعك
فسيبيني
 

بشبهلها

حتي الجرح اللي مني فيكي

كان فيا قبلك ... جرحها

وكرهك ليا دلوقتي

هو نفسه كرهي لها

مهما الايام هتقسي

ايام هتعدي وننسي

دا انا حتي نسيت ايامك

ليه بس فاكرني لسه

اعزوريني حبي قل

صحيح انا الظالم وانا القاسي
وسبتك -- خنت احساسي
وانا اللي ياما اتحاكيت
بحبي -- لأ واخلاصي

بس اعمل ايه
شوفيلي حل

دا جرحي اني باجرحك
وحلمنا وانا بسحبه
حسيت كاني باقتلك
وقلبي اللي كان بيرسمك
دلوقتي هوه
هوه نفسه بيقسمك

بس اعمل ايه
شوفيلي حل

لما لقيت ماضيكي هل
ولاقيت كلام غير الكلام
ولاقيت الام غير الالام
وفي حاجات وذكريات ما كانوش تمام

شوفيلي حل

ماكنش جرحك عندي سهل
ولا كان بايدي غير اني اقولك

" اعزوريني حبي قل "