قلبي لمح

قلبي لمح ليها نادآ
في معزًّه بس فيها شئ زياده
كلمتي وياها عادي .. بس فيها شئ زياده
ضحكتي وياها عادي .. بس فيها شئ زياده
نظرتي وياها عادي .. بس برده بيبقي فيها شئ زياده
حب زايد كل مادآ
قلبي لمح .. ياما لمح
بس هيه امتي تلمح
كلمتي واحساسي بيها
نظرتي وسرحاني فيها
و ف عيونها

وعيونها..

 دول عيون مرمر

ملامح من زمن عدي ولا اتكرر

والوانها في خصله ولا في عيونها

ما شوفتش قبلا دا المنظر

حبيبه من ربيع تاني

جمالها.. والله شئ تاني

ادبها.. لا دا شئ تاني

واحساسها ...

واحساسها دا اللي خلاني

اكون عاشق واقول فيه كلام تاني

كلام ما اتقالش غير فيها

كلام ما اطلعش غير ليها

واقول فيها ايه تاني

بحبك..

بحبك مهما شوفت من بعدك بنات تاني

بحبك واقولها لمين انا تاني

واحب مين تاني ؟ واحب ليه تاني

دا كلامي من عيني لعنيها

كان كلام تاني

حبيتها

حبيتها وسابتني .. وفضلت انا عاشق

وقولت انا نسيتها  ماكانتش عاجباني

بات قلبي متضايق

ازاي اقول كلمه .. واغلط انا فيها

فسابني قلبي وحيد .. وبات في اراضيها

ورجعلي منها بجواب

.... كاتبالي باديها ....

!!!!!!

اسفه ما تزعلشي

دي ظروف.. مليش فيها

حبتها حبتني

وظروفها.....

لا .. تقل الكلام عندي حاجه ومنعتني

اكمل انا معاها

ومن يوميها عنيا بقولي

نشوفها لو مره وبعديها ننساها

خلاص يا قلبي ..

خدنا ايه من حبها يعني .. غير كلمه مجروحه

غير دمعه نزلت مننا .. وبايدنا ممسوحه

وحبنا هيفيدها بايه .. ما خلاص ..

واكيد حبنا عندها .. ابدا .. مش حاجه مسموحه